بقلم /احمد محمد عفيفي

 / الخوف مالوش اعذار !/

***************

البحر عاتى والقلق جبًار

زنهار وواقـف هنا..

بترصّـد الغايبين

يفجعـنى الـف دوار ,

والخوف مالوش اعـذار

*

ياخوف يابِكر الإنكسار ,

يامُعـضله

ليـه الامـل مخنوق

بحبـل الاسـئله

ازّاى ح نزرع سنبُله

من غير تقاوى

ليه الغناوى/

بينكتم فيها السؤال

والرعشه بتناوب خُطى

المخاليق؟

ضجّ الطريق , والموت

مالوش ديّــه

شرخ الهوا بـيّـه..

ولقتنى ف الـميـنـا

ولـقيتهـا ماشيـه بتبكى ,

وبحُرقه

قـولـتـلهـا:لـيـه ,

فـيـه ايـه بـيـبـكـيـكى؟

قـالـتـلـى:نــار..ومـرار/

م الـقهـر والفُرقـه

عِشِقـت شـاب اسمـر

مالوهـشى مـثـيـــل

اصيـل , وكان ساكـن

هـنـا , ف قلبى

وكان طيب خفيف الروح ,

وبـيـغـنّـى

كـلامُـه لـُه معـنى ,

وجميـل , ومتأنّى

بييجينى سـاعة الغروب

شـايـل هـمـومى معـاه

وكـنت بـقـطُـف هنايـا..

مـن رؤيـاه

دوّبنى دوب ف جماله ,

ومـواويـلـه

ع الـشـط نمـشـى ســوا

يحكى,واحكيله

افرشله همّى ,وهوًه يشيل

ف مـنـديـله

*

واليوم وانــا ع الــشــط

بـسـتـنًـــاه

لـقـيـت طـيـور الـبـحـر

حــزنــانــه

مالـيــه الـسمــا :بالآااااه

زعـقت مـن جـوّايـا:لاااه

فـيـنـك ياوعد/يـاشــهـــد

الحـيـــاه

*

حـزنـى عـلـيــه غالب

ومـش بـلاقـيـه

وأدينى دايره ع الشطوط .

بـنـاديـه!!

*****************

الشاعر/أحمد عفيفي

مصر

من ديوانى-صرخة وتر-